Sedert die totstandkoming in 1984 is Langenhovenpark  ‘n gemeente wat standvastigheid bied, wat  dinamies, divers en innoverend is. ’n Gemeente wat saam bely dat Christus die verlosser is en wat deur Sy Woord die boodskap van Omgee verkondig.  Dit  is  die motivering vir alles wat die gemeente en lidmate doen en omvou ons bedienings, uitreike en aksies.

Ons eredienste bied ‘n gemaklike, maar tog tradisionele manier van aanbidding en daar is ‘n gevoel van eenheid waar God  saam geloof kan word en sy aanvoelbare liefde ervaar kan word.

As huisgesin van God, is ons bly oor Hom, volg ons Hom, gee ons vir mekaar om en bring ons hulp en hoop aan die wêreld.